Dhoondho gay agar mulkon mulkon
milnay k nahi, nayaab hein hum
tabeer hey jiss ki hasrat-o-gham
aye hum nafaso wo khaab hein hum
aye dard bata, kuch tu hee bata
ab tak ye muama hal na hoa
hum mein hey dil-e-baytab nehaa’n
ya app he baytaab hein hum
lakhon hee musafir chaltay hein
manzil pay pohnchtay hein do ek
aye ahl-e-zamana qadr karo
nayab na hon, kamyaab hein hum
Posted in Sagr say chunay seep......(eqaan's selection) | 1 Comment »
Anaa nay teekhi nazro say taktay huay
Muhabbat say puch tu kia hay
To wo boli
Nishaat e dil ki taskheer hun main hain
Kuch shaad lamho ki tafseer hun main
Shakasta socho ki tamer hun main
Mehr o wafa ki unmit lakeer hun main
Mudaat e wisaal ki taqdeer hun main
Rahat e jaan dilgeer hun main
Pehn k jisay koi aseer na ho
Aisa toq aisee zanjeer hun main
Phoolo’n ki nermaahat mann mera
Shabnam say ujla pakeeza tann mera
Gungunaatay lab nwaa hain meri
Hansti ankhain duaa hain meri
Gulnaar chehray hayaa hain meri
Jhukti palkain adaa hain meri
Khushion ka rahato’n ka dyaar hun main
Haseen khahisho’n ka hisaar hun main
Khizaa’n main misl e bahaar hun main
Murjhaay chaman pe ata nikhaar hun main
Thehri thehri chaandni ka khumaar hun main
Umeed e wasl ki thandi phuwaar hun main
Sisaktay bilaktay dilo’n ka qraar hun main
Phir wo o pal bher thehri aur boli
Tafseer meri zaat ki baqi hay abhi
mger teray liay itna hi kafi hay
Ab daaman mera tu chor zara
Aur yehi rukh e swaal apni traf morr zara
Keh tu kia hay
To anaa nay ek mzaheka khaiz qehqaha lagaya
Aur boli…………..
Tafseer teris zaat ki ki jo baqi hay
Wo meri zaat k taaruf say mukammal ho gi
Aur meray taarruf main
Itna hi kehna kafi ho ga
Keh main jaisee bhi hun
Jo koi bhi hun
Khud pe maan kerti hun
Tu qurbaan hoti hay
Main qurbaan kerti hun
~eqaan~
Posted in [Nazmain] | Leave a Comment »
Mohabbat Theher Jaati Hai…
Hum aksar yeh samajhtay hain
jisay hum piyaar kartay hain
usay hum bhool baithay hain
magar aisa nahin hota
mohabbat daimi such hai
mohabbat theher jaati hai !!!
hamari baat kay andar
mohabbat baith jaati hai
hamari zaat kay andar
magar yeh kam nahin hoti
kisi bhi dukh ki soorat mein
kabhi koi zaroorat mein
kabhi anjaan se gham mein
kabhi lehjay ki thandak mein
udaasi ki zaroorat mein
kabhi baarish ki soorat mein
hamari aankh kay andar
kabhi aab-e-rawan ban kar
kabhi qatray ki soorat mein
bazahir aisa lagta hai
usay hum bhool baithay hain
magar aisa nahin hota
magar aisa nahin hota….
yeh hargiz kam nahin hoti…
Mohabbat Theher Jaati Hai…!!!
Posted in Sagr say chunay seep......(eqaan's selection) | Leave a Comment »
muhabbat jhoot lagti hay mujhay
ik khookhla jazba
jisay izhar ki her waqt khuwahish hoo
kahay janay ki
sunanay ki
jisay her pal zaroorat hoo
“mujhay tum say muhabbat hay”
na janay rooz kitnay loog
is jumlay ko sunnnay k liyay baidar hotay hain
ye aisa jhoot hay jis ka sehr
sadioo’n say tari hay
magar janaa’n
muhabbat jab kabhi izhaar ko tersay
koi tum say ager kahday
“mujhay tum say muhabbat hay”
to us ki baat mat sunnana
muhabbat rooh say phootay
muhabbat aks ban jaye
to phir tum ko yaqee’n aye
k main nay sach kaha tum say
muhabbat rooh ban jaye
to phir us ka yaqee’n kerna
waerna aik jumla koi kitni baar duhraaye
kahay jayee
nahi sunnuna
muhabbat jhoot hay janaa’n
ager izhaar ki is ko zaroorat hoo
Posted in Sagr say chunay seep......(eqaan's selection) | Leave a Comment »
- Meri muhabbatain bhi ajeeb hain, meri nafratain bhi ajeeb
Jo in main hain mojood,wo shiddatain bhi ajeeb……..
- Jo paas tha wo door rha, jo door tha wo paas
Meray fasalay bhi ajeeb hain meri qurbatain bhi ajeeb
- Saanihay pe chup rha,sakht lehjay nay iss ko rula dya
Mera dil bhi bohat ajeeb hay,iski nzaaktain bhi ajeeb
- Jo zamanay ko mujh say hain wo gilay bhi ajeeb hain
Jo mujh ko zamanay say hain wo shikayatain bhi ajeeb
- Ekk zra see khunak hansi se munjamid honay lagta hay ye
Mera lahoo bhi bohay ajeeb hay,iski tmaaztain bhi ajeeb
- Jo kaha mainay wo suna na gya,wo suna kisi nay kaha nahi
Mera baya’n bhi bohat ajeeb hay aur smaatain bhi ajeeb
~eqaan~
Posted in [Ghazalzzz] | Leave a Comment »
Uss nay yeh kaha jaana..
janay yeh kai bat hay
din ki roshni hay mager
her traf andhera hay
her traf raat hay
halankeh tera sath hay
ek baynaam sa derd
mujhay kuch bhi kernay nahi daita
aur khyaal k canvas per
koi khushnuma rang bhernay nahi daita
uss nay yeh bhi kaha
dil mera mer sa gya hay
dunya aur logo say
jee mera bher sa gya hay
janay kaisay wo
dil say hansnay ki khoo ayy
dil main koi phool khilay
aur us say khusboo ayy
sun uss k baat yeh
mainay bhi apnay dil main jhaanka
waisay hi jazbaat
waisay hi halaat
meray dil k aangan main
dera daalay baithay thay
phir main yeh kaha jaana
yeh jo hmaray dil ki dunyaain
na-shaad hain na-abaad hain
iss ka sbab kuch bhi ho
daikh ham azaad hain
in bay rang jahano main
rang bhernay k liay
kuch bhi kernay k liay
sun oo meray baykhaber
ek shay muhabbat bhi hay
jo dil ko mernay nahi daiti
dunya aur logo say
jee ko bhernay nahi daiti
yeh wo shay hay jo
dil say hansnay ki khoo day
yeh wo phool hay jo
kabhi na urnay wali khushboo day
CHAL CHOR SAARI BATO KO
mujhay buss yeh kehnay day
mujhay tujh say muhabbat hay
mujhay buss yeh sun’na hay
tujhay mujh say muhabbat hay
~eqaan~
Posted in [Nazmain] | Leave a Comment »
Tera zerf samander jaisa hay….
meri pyaas nay muj ko batlaya
~eqaan~
Posted in [Mutafarriqaat] | Leave a Comment »
Koi purani yaad mera rasta rokay muj say kehti hay,
Itni jalti dhoop main kab tak ghoomo gay,
Aao !!!chal k beetay dino k chaaun main baithain
Us lamahy ki baat kerain keh jis main koi phool khila tha
Us lamay ki bay kerain keh jis main kisi awaaz ki chandi khanak uthi thi
Us lamhay ki baat kerain keh jis main kisi ki nazro k moti barsay thay
Koi purani yaad mera rasta rokay muj say kehti hay
itni jalti dhoop main kab tak ghoomo gay
Posted in Sagr say chunay seep......(eqaan's selection) | Leave a Comment »
Jany kis ki talash un ki ankho main thi
Arzoo k musafir bhtaktay rhay
Jitnay bhi wo chalay
utnay hi bich gay raah main faslay
Khaab manzil thay aur manzlain khaab thin
Raasto say nikaltay rhay raastay
Jaanay kis wastay
Aarzu k musaafir bhtaktay rhay
Posted in Sagr say chunay seep......(eqaan's selection) | Leave a Comment »
Mian jahan rahun main… kahin bhi hun
Teri yaad sath hay
Kisi say khaun keh nahi khuan
yeh jo dil ki baat hay
Kehnay ko sath apnay ek dunya chalti hay
Per chupp k iss dil main tanhaee palti hay
Buss yaad sath hay
Teri yaad sath hay
Kahin to dil main yaaado ki ek sooli gar jaati hay
Kahian her ek tasveer bht hi dhundli per jati hay
Koi naee dunay k nayy rango main khush rehta hay
Koi sab kuch paa k bhi yeh man hi man kehta hay
Kehnay ko sath apnay ek dunya chalti hay
Per chupp k iss dil main tanhaee palti hay
Buss yaad sath hay
Teri yaad sath hay
Khain to beetay kal ki jarain dil main utar jaati hain
Kahin jo dhaagay tootain to malaain bikhar jaati hain
Koi dil main jga naee bato k liay rakhta hay
Koi apni palko per yaado k diay rakhta hay
Kehnay ko sath apnay ek dunya chalti hay
Per chupp k iss dil main tanhaee palti hay
Buss yaad sath hay
Teri yaad sath hay
Posted in Sagr say chunay seep......(eqaan's selection) | Leave a Comment »
