Eqaan » Sagr say chunay seep……(eqaan’s selection)

Dhoondho gay agar mulkon mulkon…

eqaan — Fri, 25 Apr 2008 07:18:51 +0000

Dhoondho gay agar mulkon mulkon

milnay k nahi, nayaab hein hum

tabeer hey jiss ki hasrat-o-gham

aye hum nafaso wo khaab hein hum

aye dard bata, kuch tu hee bata

ab tak ye muama hal na hoa

hum mein hey dil-e-baytab nehaa’n

ya app he baytaab hein hum

lakhon hee musafir chaltay hein

manzil pay pohnchtay hein do ek

aye ahl-e-zamana qadr karo

nayab na hon, kamyaab hein hum

Mohabbat Theher Jaati Hai…!!!

eqaan — Wed, 13 Feb 2008 07:51:34 +0000

Mohabbat Theher Jaati Hai…
Hum aksar yeh samajhtay hain
jisay hum piyaar kartay hain
usay hum bhool baithay hain
magar aisa nahin hota
mohabbat daimi such hai
mohabbat theher jaati hai !!!
hamari baat kay andar
mohabbat baith jaati hai
hamari zaat kay andar
magar yeh kam nahin hoti
kisi bhi dukh ki soorat mein
kabhi koi zaroorat mein
kabhi anjaan se gham mein
kabhi lehjay ki thandak mein
udaasi ki zaroorat mein
kabhi baarish ki soorat mein
hamari aankh kay andar
kabhi aab-e-rawan ban kar
kabhi qatray ki soorat mein
bazahir aisa lagta hai
usay hum bhool baithay hain
magar aisa nahin hota
magar aisa nahin hota….
yeh hargiz kam nahin hoti…
Mohabbat Theher Jaati Hai…!!!

muhabbat jhoot hay janaa’n

eqaan — Wed, 13 Feb 2008 07:48:42 +0000

muhabbat jhoot lagti hay mujhay
ik khookhla jazba
jisay izhar ki her waqt khuwahish hoo
kahay janay ki
sunanay ki
jisay her pal zaroorat hoo
“mujhay tum say muhabbat hay”
na janay rooz kitnay loog
is jumlay ko sunnnay k liyay baidar hotay hain
ye aisa jhoot hay jis ka sehr
sadioo’n say tari hay
magar janaa’n
muhabbat jab kabhi izhaar ko tersay
koi tum say ager kahday
“mujhay tum say muhabbat hay”
to us ki baat mat sunnana
muhabbat rooh say phootay
muhabbat aks ban jaye
to phir tum ko yaqee’n aye
k main nay sach kaha tum say
muhabbat rooh ban jaye
to phir us ka yaqee’n kerna
waerna aik jumla koi kitni baar duhraaye
kahay jayee
nahi sunnuna
muhabbat jhoot hay janaa’n
ager izhaar ki is ko zaroorat hoo

Koi purani yaad mera rasta rokay muj say kehti hay….

eqaan — Wed, 30 Jan 2008 11:04:26 +0000

Koi purani yaad mera rasta rokay muj say kehti hay,

Itni jalti dhoop main kab tak ghoomo gay,

Aao !!!chal k beetay dino k chaaun main baithain

Us lamahy ki baat kerain keh jis main koi phool khila tha

Us lamay ki bay kerain keh jis main kisi awaaz ki chandi khanak uthi thi

Us lamhay ki baat kerain keh jis main kisi ki nazro k moti barsay thay

Koi purani yaad mera rasta rokay muj say kehti hay

itni jalti dhoop main kab tak ghoomo gay

Jaanay kis wastay…..

eqaan — Wed, 30 Jan 2008 11:03:36 +0000

Jany kis ki talash un ki ankho main thi

Arzoo k musafir bhtaktay rhay

Jitnay bhi wo chalay

utnay hi bich gay raah main faslay

Khaab manzil thay aur manzlain khaab thin

Raasto say nikaltay rhay raastay

Jaanay kis wastay

Aarzu k musaafir bhtaktay rhay

Yaad

eqaan — Wed, 30 Jan 2008 10:46:59 +0000

Mian jahan rahun main… kahin bhi hun

Teri yaad sath hay

Kisi say khaun keh nahi khuan

yeh jo dil ki baat hay

Kehnay ko sath apnay ek dunya chalti hay

Per chupp k iss dil main tanhaee palti hay

Buss yaad sath hay

Teri yaad sath hay

Kahin to dil main yaaado ki ek sooli gar jaati hay

Kahian her ek tasveer bht hi dhundli per jati hay

Koi naee dunay k nayy rango main khush rehta hay

Koi sab kuch paa k bhi yeh man hi man kehta hay

Kehnay ko sath apnay ek dunya chalti hay

Per chupp k iss dil main tanhaee palti hay

Buss yaad sath hay

Teri yaad sath hay

Khain to beetay kal ki jarain dil main utar jaati hain

Kahin jo dhaagay tootain to malaain bikhar jaati hain

Koi dil main jga naee bato k liay rakhta hay

Koi apni palko per yaado k diay rakhta hay

Kehnay ko sath apnay ek dunya chalti hay

Per chupp k iss dil main tanhaee palti hay

Buss yaad sath hay

Teri yaad sath hay

ek sher

eqaan — Wed, 16 Jan 2008 08:16:37 +0000

maktab e ishq ka dastoor niraala daikha

us ko chuti na mili jis nay sabaq yaad kia